otmanvb واحد من الناس
عدد الرسائل : 747 العمر : 39 الموقع : منتديات جرسيف العمل/الترفيه : tsserkil المزاج : lol نقاط : 12 تاريخ التسجيل : 27/08/2007
| موضوع: انا البحر *-*/*-*/-*/ الإثنين أكتوبر 22, 2007 12:15 am | |
| انا البحر مليش بدايه ومتعرفليش نهايه كلامى كتير ورويت الف حكايه بردت حر ناس كتير بلعت دموع المهمومين اترميت بصخر المحتارين سمعت روايات العاشقين عشت يوم مع الصيادين ويوم مع البحارين عرفت بلاد وبلاد ومن بين البلاد ححكيلكم حكايات ************************ وقف شاب فى اسكندريه عمال بيبحلق فيا وهمس لى وقال لى اسمع يا بحر حكايتى انا شاب دخلت الكليه خلصت وانضميت للعوطليه لا جواز ولا شغل ولا عيشه هنيه ارمينى فى حضنك ارتاح من الدنيا ديه قلت..اسمعنى يا ابن المصريين من امتى بقيتوا متشائمين دوام الحال من المستحيل شق الصخر ولو بمليون سكين بلدك ترابها دهب واسال اللى دفعوا الدم فى 73 ان كانت ايامكم صعبه فالحياه مين قال انها سهله ابدا حياتك وامشى الطريق ايالك تفكر انه مفروش بحرير دا الهرم ابتدا بحجاره واتنين بس اتكرر الموقف من شاب لميه لمتين ونفس الكلام بيتعاد ومستنى الرد فى جواب ان خلاص الهم راح بس ده لسه فى زمن جاى ********************* انا البحر مليش بدايه ومتعرفليش نهايه كلامى كتير ورويت الف حكايه عرفت بلاد وبلاد ومن بين البلاد ححكيلكم حكايات ************************* على شطك يا بلد المليون شهيد لقيت واحد واقف بعيد بيشتكى ازاى هو غريب ولما سمعت الموضوع عرفت قوام المقصود انه من الحب مغلوب حكى دا انا طبيب القلوب صرخ وقال ليه يا دنيا مزعلانى ومن الفرح كده حرمانى
فهمت انه كان مهجور بس هو عايش الدور قالها احلى كلام وعيشها احلى غرام بس مش بلغه اللسان بلغه القلوب النهارده جاتله دعوه فرح من المحبوب جالى يصرخ باعلى صوت مش ممكن احب تانى ولا تانى ليه ممكن اعود ولما هدى وراق بميتى طفيت نار العشاق نسيته كل اللى راح سمعنى وسابنى ومشى ورجع بعدين يحكى عن حب صحى وعايش دور جديد ومن الغرام بيحكى حواديت شمعته وعارف انى لازم يعود تانى اصل اللى ليه قلب مش ممكن ينسانى ************************** انا البحر مليش بدايه ومتعرفليش نهايه كلامى كتير ورويت الف حكايه عرفت بلاد وبلاد ومن بين البلاد ححكيلكم حكايات ************************* وانا ماشى فى حالى وقف على بابى شاب تعبان مهموم فى بلاد بره مخنوق قلت الشكل ده مش غريب واقف ليه يا بنى على الشط البعيد رد عليا وقال انالحياه لفيت بيه وان الزمن كان مجافيه سافر يملى كمان شنطه وان التمن دفعه من عمره من مسح صحون لبياع جرانين ولما اترقى بقى فى المطعم شيف ونسى حليم انه يكون طبيب ايام زمان قبل الرحيل حدفنى بكام صخره وقال وحشتينى يامه وحشنى حضنك ...همستك ...دعوتك وحشنى الاهل واللمه سابنى ومشى من غير ما ارد اصله ده مش اى حد لازم ليا فى يوم يرد فى يوم جانى بس...من شط الود والضحك مالى وشه والفرح والهنا ومعاه خطيبته بكره يبقى معاه الضنا ايوه كده ارجع لبلدك ارضها بتعشقك وسماها تغطيك نيلها يويك وبترابها تبنيك ************************************* انا البحر مليش بدايه ومتعرفليش نهايه كلامى كتير ورويت الف حكايه عرفت بلاد وبلاد ومن بين البلاد ححكيلكم حكايات ************************* وبموجى اترميت فى حضن فلسطين سمعت انين طفل صغير سالته عن سبب بكا العنين رد بصوت حزين رد ان اخوه مات شهيد وابوه معتقل من سنين رديت متزعلش اخوك فى جنه ونعيم حيكون ليك من الشافعين بين ايد رب العالمين ابوك من المجاهدين اوعى تبكى واستنى حطين بعزتك ..بكرامتك ...بجهادك حتكون صلاح الدين بطل الطفل يبكى وراح على الصخر يجرى وبقوله الف اه من امه بعد الصخر اترد رصاص فى قلبه قلت اه واه فلسطين دمك بينزف من زمن طويل رويت ارضك بدم الشهيد بكره يا فلسطين حتنفذى الوعيد يا فلسطين اقفى صامده مادام الدم ماشى فى الوريد بكره النصر يجى ونعمل له الف عيد ونرفع رايه النصر فى يوم نسميه يـــــــــــــوم فلسطين
انا البحر مليش بدايه ومتعرفليش نهايه كلامى كتير ورويت الف حكايه عرفت بلاد وبلاد ومن بين البلاد حكت لكم حكايات *************************
| |
|
nawal
عدد الرسائل : 73 العمل/الترفيه : lllll نقاط : 0 تاريخ التسجيل : 21/10/2007
| موضوع: رد: انا البحر *-*/*-*/-*/ الخميس نوفمبر 01, 2007 5:45 pm | |
| | |
|